Għaġin biz-Zalzett Malti u t-Tadam

Step 1

Qatta’ s-sider tat-tiġieġa fi kwadri (bejn wieħed u ieħor 2cm) u ibda qallija f’mgħarrfa żejt taż-żebbuġ

Step 2

Filwaqt, neħħi l-ġilda minn fuq iz-zalzett Malti u qattgħu roti roti – ipprova tħallihx jinqasam ħafna però mhux daqshekk important għax waqt li qed isir, jiddiżintegra xi ftit jew wisq. Kif tlesti ixħet iz-zalzett imqatta’ mat-tiġieġa u ħallat kollox flimkien

Step 3

Kompli qalli kollox sakemm it-tiġieġ u z-zalzett jieħdu ftit kulur

Step 4

Qatta’ t-tadam imqadded u t-tewm f’biċċiet żgħar u ixħet u ħallat kollox

Step 5

It-tadam tal-bott ikun immerraq – għandha bżonn nifirdu t-tadam mill-meraq u nqattgħu it-tadam f’biċċiet imdaqqsa. Personalment nuża idi stess biex naqleb il-meraq barra waqt li nżomm it-tadam fil-bott. Tista’ tifred il-meraq dirett fuq it-taġen fejn qed tqalli t-tiġieġa u l-kumplament, jew itfa’ f’kontenitur imbagħad ferra l-meraq fit-taġen. L-importanti li tħaffef biżżejjed biex it-tewm u t-tadam imqadded ma jinħarqux jew jitqarqċu

Step 6

Itfa’ t-tadam tal-bott imqatta’ u d-double cream u ħallat

Step 7

Żid il-ħwawar. Ħallat

Step 8

Żid melħ u bżar skond il-gosti tiegħek

Step 9

Minħabba li din iz-zalza fiha t-tiġieġ u z-zalzett Malti, nissuġġerilek li tħalli kollox itektek fuq nar baxx u itfa’ l-għaġin f’ilma jagħli kif tkun lestejt iz-zalza. Dan sabiex bejn it-tmin jew għaxar minuti li l-għaġin jieħu biex isir, it-togħma ta’ l-ingredjenti toħroġ kif ukoll tkun ċert/a li qtilt ħafna mill-mikrobi li jiġu mat-tiġieġ u l-majjal fiz-zalzett.

Step 10

Kif l-għaġin isir, saffih u ħallat kollox sew maz-zalza.